که مې له تا سره خندلي نه وی
که مې و تا پسې ژړلي نه وی
که مې ټول واک تاته سپارلی نه وی
که مې له هر څه لوړ ګڼلی نه وی
داسې به نه ځورېدم داسې به نه کړېدم!
که ستا د مينې د رنګونو کتاب
ما د زړګي تاخ کې ساتلی نه وی
او هره شپه مې بيا د اوښکو ځل ته
پاڼه په پاڼه بيا لوستلی نه وی
داسې به نه ژړېدم ، داسې به نه نړېدم!
که مې ستا پل پسې دانګلي نه وی
که مې په اوښکو ته لمانځلی نه وی
که مې سندرو کې ستايلی نه وی
که مې په سترګو کې ساتلی نه وی
داسې به نه سوزېدم ، داسې به نه ژړېدم!
