رفيع الله زيار _ یو چاته

دبوډۍ ټال په شانې

طاووس بڼکې په څېر

زرين بنده وينمه

دلمردوړانګوپه څېر

دسپوږمۍ شانې ښکلى

درڼوستوروغوندې

نن سپين بنده وينمه

طاووس بڼکې په څېر

زرين بنده وينمه

×××

رحيمه پښتونځار_غزل

لرې يې له خــــماره  عذابـونه کــړه

ډک يې له ثــوابه نــن جامونــه کــړه

حســن د تخلــيق په مدارونو کــې

جوړ د ستورو ښکلي قطارونه کړه

شرنګ د زولنو په ژبه نه غواړي

بندې ورته زير و بم تارونه کړه

نه دي شاعران چې لېوني نه وي

ډوبې د غزل په جام حسنونه کړه

اناهيتا غرڅنۍ_غزل

عبدالنافع همت_د ناز خواړه

يوه مشهوره اصطلاح لرو موږ

وايي فلانۍ داسي خواړه پخ کړي

چي سړی خوري ورسره خپلي ګوتي

خو نن عجيبه واورئ!

ماته له ډېره نازه

يوې مېرمني داسي څه پاخه کړل

چي په رښتيا سره د ناز خواړه وه

هغې زما لپاره

دا خپلي ښکلي ګوتي

په يو چاړه باندي ټوټه ټوټه کړې

ملالۍ بشير_غزل

کور که مې خپل نه بولي ميلمه راځه

لږ خو زما هم منه او ځه راځه

لږ لا نن زموږ کره نور پاتې شه

لږ لا  نن زما هم ومنه راځه

اوس چې مې بابا درته درکړې يم

نور مو و کوڅو ته ښه ډاډه راځه