يومې تياره  بل تنهائي خوښيږي

تور مې په سپينو کې خدايې خوښيږي

چې يوه زه بل مې جانان واى يو ځاې

هلته مي صرف يو خاموشى خوښيږي

چې د شينکې اسمان لمن کې تنها

يو څومي ستوري ګلالي  خوښيږي

چې دا ماشوم احساس مې هرڅه خوښ کړل

هغه زما هم ( عزيزي ) خوښيږي

د تور ژوندون تورو تيارو کې ناسته

زه د رڼا هيله له چانه وکړم

په اوږو وړم ارمانونو تابوت

د ټړمو اوښکو هيله له چانه وکړم

اوس چې غم ماته په خندا را درومي

بيا د موسکا هيله له چانه وکړم

زما له غمه زما سيورى تښتي

زه د جفا ګيله له چانه وکړم

د يلدا زړه له غم غلبيل غلبيل شو

ورته مرحم دوا له چانه وکړم

دمیرمن کلتوري ـ ټولنیز بهیرټولو محترمو غړو ته خبر ورکول کیږي چې د روژې په مبارکه میاشت کې دمیرمن بهیر اوونیزې غونډې نه جوړیږي .

   دمیرمن کلتوري ـ ټولنیز بهیراوونیزې عادي غونډې له نیکمرغه کوچني اختر یوه اوونۍ وروسته دروان کال د وږي میاشتې په  ۳۰  نیټه د سه شنبې په ورځ له سره پیلیږي.

ټولې قدرمنې خویندې دې خبرې وي .

اړیکې = ۰۷۹۹۴۴۱۳۶۸

          ۰۷۰۷۴۹۳۲۳۲

دمیرمن کلتوري ـ ټولنیز بهیر

دارالانشآ

لکه یو شور لکه یودرد چې له ګیتاره وځي

داسې مې زړه ته دجانان دکوڅې لاره وځي

کاشکې مې دومره هم دزړه له تله نه خوښیدای

اوس خو به یار هم له دې کلي ګناه ګاره وځي

دبیلتانه له غمه نوره به ترکومه ژاړم

دنرمو زړونو خاوندان خو له دې ښاره وځي

عجیبه داده چې اشنا مې لاخبر هم نه دی

وایي څوک نه لري همداسې به بې یاره وځي

ساده جانانه اوس پښتو مې راته خوله تړلې

که نه نو چیغه مې له خولې نه بې اختیاره وځي