توپير_نعيمه غني وردګ

څومره توپير دی زما او ستا په منځ کې

زما لوستې مکتبۍ لورجانې

زه دقفس دمنځ بندي مینا وم

ته الوتونکې یې مرغۍ لورجانې

ما به ډوډۍ په اجازه خوړله

تا سرحدونه او حدونه مات کړل

ماته خو کور لویه نړۍ ښکاریده

تا د کورونو ستر قفلونه مات کړل

غزل_ پير محمد کاروان

اتم د مارچ ، د ښځو د نړيوالې ورځې په وياړ

حوا که به تر څنګه د  آدم نه وای پيدا

له تندې به ګل مړوو که شبنم نه وای پيدا

دا ژوند به د آدم پر اوږو بار وو د ډبرو

دا مينه ، دا ښکلا که دا همدم نه وای پيدا

نغمه به د ژوندون وه د اومړي تار په څېر

له زير سره دوستي که به د بم نه وای پيدا

محوه انځور